IKEA ची अनोखी मार्केटिंग स्ट्रॅटेजी !

घरासाठी आणि ऑफिससाठी फर्निचर बनवणारी IKEA (आईकिया) ही जगातील सगळ्यात मोठी कंपनी आहे. अनेक वेगवेगळ्या इनोव्हेशनसाठी प्रसिद्ध असलेल्या या कंपनीने फर्निचर क्षेत्रात मोठे नाव कमावले आहे.
प्रचंड मोठे शोरूम, सहजगत्या जोडता येणारे मॉड्युलर फर्निचर , अत्यंत कमी खर्चात उपलब्ध करून दिलेलं फर्निचर अशा अनेक नव्या कल्पना IKEA ने सर्वात प्रथम राबवल्या.

IKEA ने जेव्हा रेस्टॉरंट आणि कॉफी शॉप्स सुरू केले तेव्हा अनेकांच्या भुवया उंचावल्या. परंतु यामागे IKEA ची एक चांगली मार्केटिंग कल्पना होती.
​

• फर्निचर च्या भल्यामोठ्या शोरूम्समध्ये ग्राहक फिरत असताना, फर्निचर बघत असताना अर्ध्यातच मध्येच निघून जात आणि पुन्हा फिरकत नसत. IKEA च्या लक्षात आले की ग्राहक भूक लागली म्हणून जेवण्यासाठी बाहेर जात असत. हा प्रश्न सोडवण्यासाठी IKEA ने स्वतःच फर्निचर शोरूम्समध्ये रेस्टॉरंट सुरू केले.

​

• हे रेस्टॉरंट आणि कॉफी शॉप्स IKEA साठी " लॉस लीडर्स" म्हणून काम करतात. लॉस लीडर्स म्हणजे हेतुपूर्वक ज्यामध्ये नफा कमावला जात नाही किंवा हेतुपूर्वक तोटा सहन केला जातो असे प्रोडक्स किंवा बिझनेसेस. IKEA मुद्दामच इतर हॉटेल च्या तुलनेत अत्यंत कमी खर्चात ग्राहकांना जेवण उपलब्ध करून देते . त्यामुळे सहाजिकच IKEA च्या शोरूम्समध्ये गर्दी होते आणि एकदा आत मध्ये आलेले ग्राहक फर्निचर बघितल्याशिवाय जात नाहीत, त्यामुळे आपोआपच फर्निचरची विक्री देखील वाढते.

​

• बहुतेक वेळा लोक जेवण्यासाठी मित्रमंडळींसोबत येतात, त्यामुळे पूर्वीपेक्षा खूप जास्त ग्राहक शोरूम्समध्ये येऊ लागले.

​

• ​IKEA ला असे देखील लक्षात आले की पोटोबा केल्यानंतर जेव्हा ग्राहक शो रूम मध्ये फेरफटका मारतात तेव्हा ते आनंदी असतात, आणि रिलॅक्स असतात. आपोआपच त्यांच्याकडून जास्त खरेदी केली जाते.

===========================================
नेटभेटचे नवीन अपडेट्स, लेख आणि कोर्सबद्दल माहिती whatsapp वर मिळविण्यासाठी 
908 220 5254 या क्रमांकावर SUBSCRIBE असे लिहून पाठवा !
============================================
करिअर आणि बिझनेस मध्ये प्रगती करण्यासाठी उपयोगी ठरतील असे अनेक कोर्सेस आम्ही मराठीतून उपलब्ध करून दिले आहेत. यापैकी काही कोर्सेस मोफत शिकता येतील. या संधीचा फायदा घेण्यासाठी www.netbhet.com या वेबसाईटला अवश्य भेट द्या ! 
============================================

मित्रांनो, तसं पाहिलं तर रेस्टॉरंट आणि फर्निचर चा काही संबंध नाही. परंतु IKEA ने तो संबंध शोधला आणि आपली विक्री वाढवण्यासाठी वापरला. आपल्या ग्राहकाच्या मनात नक्की काय चालले आहे, आणि त्याला आपल्या पर्यंत घेऊन येण्यासाठी काय दिलं पाहिजे त्याचा नक्की अभ्यास करा. वरवर जरी आपल्या बिझनेस संबंधित नसलं तरी त्याकडे दुर्लक्ष करू नका.
ग्राहकांच्या मनाचा अचूक आढावा घेऊन त्यांचे अव्यक्त प्रश्न सोडवणे म्हणजेच खरी मार्केटिंग !
धन्यवाद आणि ऑल द बेस्ट !

सलिल सुधाकर चौधरी
नेटभेट ई-लर्निंग सोल्युशन्स
मातृभाषेतून शिकूया, प्रगती करूया !
WWW.NETBHET.COM
​