बऱ्याच लोकांना बिजनेस मध्ये उतरायचे असते, काही नवीन सुरुवात करायची असते, स्वतःचं स्टार्टअप सुरु करायचं असतं, बऱ्याच जणांना मोठं काहीतरी करून दाखवायचं असतं, मोठी उडी घ्यायची असते. पण मित्रांनो, शेकडो किलोमीटरचा प्रवास एका पावलानेच सुरू होतो हे लक्षात घ्या. बाळ आधी रांगतं, नंतर चालायला लागतं, आणि त्यानंतर धावायला लागतं. बिझनेसचही असच आहे. आधी हळूहळू सुरुवात करा आणि त्यानंतर मोठी उडी घ्या, काही टिप्स सर्व नवउद्योजकांना देतो आहोत- १. तुम्ही नक्की ग्राहकांचा कोणता प्रॉब्लेम सोडवताय त्याकडे लक्ष द्या कोणताही बिझनेस सुरु करण्याची सगळ्यात महत्त्वाची पायरी म्हणजे ग्राहकांचा नेमका प्रॉब्लेम ओळखणे. त्यानंतरच तुम्ही ग्राहकांना तुमच्या बिजनेस च्या माध्यमातून एक सोल्युशन देऊ शकता. जर तुम्ही अशा मार्केटमध्ये उतरत आहात जिथे ग्राहकांच्या प्रॉब्लेम्सना उत्तर तुमच्या स्पर्धकांनी यापूर्वीच दिलेले आहे तर मग बाजारात उपलब्ध असलेल्या उत्पादनांमध्ये तुम्हाला काय बदल करता येतील, काय सोपे करता येईल, काय स्वस्त करता येईल, काय चांगलं करता येईल, किंवा त्यांची उपयुक्तता कशी वाढवता येईल याचा विचार करा. २. ज्या मार्केटमध्ये तुम्ही उतरणार आहात त्याचा अभ्यास करा जेव्हा मॅगी, केलॉग्ज , जिलेट यांचे उत्पादन भारतात आले तेव्हा त्यांना म्हणावा तसा प्रतिसाद मिळाला नव्हता. परदेशात खूप चालणारी ही उत्पादने भारतात मात्र चालत नव्हती. कारण प्रत्येक मार्केट वेगवेगळं असतं. भारतीय बाजारपेठेनुसार उत्पादनांमध्ये, आणि मार्केटिंगमध्ये बदल केले तेव्हा कुठे या कंपन्यांची उत्पादने भारतीय ग्राहकांनी स्वीकारली. अगदी भारतातही प्रत्येक राज्य वेगळ मार्केट आहे, प्रत्येक राज्यामध्ये शहर आणि गाव वेगवेगळे मार्केटस आहेत. तेव्हा तुम्ही नक्की कोणत्या बाजारात आहात त्याचा नीट अभ्यास करा. तेथील ग्राहकांच्या आवडीनिवडी, सवयी , प्राधान्य, प्रश्न काय आहेत याचा जर तुम्ही अभ्यास केलात तरच तुम्हाला तुमचे उत्पादन ग्राहकांसाठी योग्य आहे की नाही हे ठरवता येईल. आणि त्या अनुषंगाने योग्य ते बदल करता येतील. ३. आपले उत्पादन किंवा बिझनेस आयडिया टेस्ट करा बाजारात उत्पादन आणण्यापूर्वी टेस्ट करणं महत्त्वाच आहे. काही लोकांना बिझनेस आयडिया आवडेल काही लोकांना आवडणार नाही. ज्यांना ती आवडली नाही त्यांचा प्रतिसाद नीट तपासून बघा. त्यांनी तुम्हाला मोलाची माहिती दिलेली असेल. ती वापरून उत्पादनामध्ये योग्य ते बदल करा आणि मगच प्रॉडक्ट लॉंच करा. ४. प्रतिक्रिया जाणून घ्याअगदी अनोळखी व्यक्तींना, किंवा वेगळ्याच क्षेत्रातील व्यक्तींना तुमच्या प्रॉडक्ट किंवा बिझनेस आयडिया बद्दल सांगा. त्यांची विचार करण्याची पद्धत वेगळी असेल आणि त्यामुळे तुम्हाला अशा काही प्रतिक्रिया मिळतील ज्या तुमच्या ग्राहकांकडून देखील मिळणार नाहीत. त्यांचा वापर आपलं उत्पादन अधिक चांगले करण्यासाठी करा. ================ नेटभेट चे लेख, विडिओ आणि कोर्सबद्दल अपडेट्स व्हाट्सअप्प वर मिळविण्यासाठी 908 220 5254 या क्रमांकावर SUBSCRIBE असे लिहून पाठवा किंवा खालील लिंक वर क्लिक करून आमचा व्हाट्सअप्प ग्रुप जॉईन करा - SUBSCRIBE - https://goo.gl/JtFkBR =============== ५.योग्य मार्केट निवडाआता तुम्ही बिजनेस लॉन्च करण्यासाठी तयार झाला आहात. परंतु मी आधी म्हटल्याप्रमाणे छोटी सुरुवात करा. मोजकच मार्केट शोधून ते जिंकता येते का बघा, त्यानंतर पुढच्या छोट्या मार्केट मध्ये जा. लगेचच नव्या शहरांमध्ये नव्या राज्यांमध्ये प्रॉडक्ट लॉन्च करायला जाऊ नका. ६. मोजकी टीमपैसे असले तरीदेखील खूप जास्त टीम वाढवू नका. सुरुवातीला प्रत्येकाने प्रत्येक काम केले पाहिजे असा अट्टाहास ठेवा. तुम्हाला कदाचित वाटेल की प्रत्येक कामासाठी योग्य माणूस नेमला ती कामे पटापट होतील, परंतु प्रत्यक्षात तसं होत नाही. जेवढी जास्त माणसं, तेवढे जास्त कम्युनिकेशन प्रॉब्लेम्स तुम्हाला आढळतील. ७. कार्य क्षमता वाढवण्यावर भर द्यातुमच्या मशीन्स, मॅनपावर आणि मटेरियल या तीन "M" चा पुरेपूर वापर जोपर्यंत होत नाही तोपर्यंत या तीनही M मध्ये वाढ करू नका. जोपर्यंत हे तिन्ही M किमान 80 टक्क्यापर्यंत वापरले जात नाहीत तोपर्यंत कार्यक्षमता सुधारण्याला वाव आहे. हा नियम जर तुम्ही वापरला तर कधी तुमचे पैसे वाया जाणार नाहीत. बिजनेस मोठा करणे, आणि बिझनेस प्रॉफिटएबल करणं या दोन वेगळ्या गोष्टी आहेत हे लक्षात ठेवा. योग्य कारण असल्याशिवाय बिजनेस मोठा करण्याच्या मागे जाऊ नका. गुंतवणूकदार, मार्गदर्शक, चांगले उत्पादन, कार्यक्षम ऑपरेशन्स आणि चांगली टीम आधी उभी करा त्यानंतरच बिझनेस मोठा करण्याच्या दिशेने पावले टाका.
================ नेटभेट चे लेख, विडिओ आणि कोर्सबद्दल अपडेट्स व्हाट्सअप्प वर मिळविण्यासाठी 908 220 5254 या क्रमांकावर SUBSCRIBE असे लिहून पाठवा किंवा खालील लिंक वर क्लिक करून आमचा व्हाट्सअप्प ग्रुप जॉईन करा - SUBSCRIBE - https://goo.gl/JtFkBR =============== धन्यवाद, टीम नेटभेट नेटभेट इलर्निंग सोल्युशन्स मातृभाषेतून शिकूया, प्रगती करूया ! www.netbhet.com आता पेटिएम अॅपद्वारे शेयर बाजारात पैसे गुंतवणे देखील आता शक्य होणार आहे. पेटीएम द्वारे गुंतवणूकदार शेयर खरेदी करू शकतात. याआधीही पेटिएमने म्युच्युअल फंडाची सेवा सुरू केलीय. याद्वारे तुम्ही म्युच्युअल फंडात 100 रुपयांपासून SIP करू शकता. 1 एप्रिलपासून सुरू झालेल्या 2019-20 या आर्थिक वर्षासाठी त्यांना स्टॉक ब्रोकिंगची सुरुवात करण्यासाठी सिक्युरिटीज ऍण्ड एक्सचेंज बोर्ड ऑफ इंडिया अर्थात सेबी कडून मान्यता मिळाली आहे. याशिवाय पेटिएमने अमेझॉन प्राईम आणि फ्लिपकार्ट प्लस या कंपन्यांना टक्कर देण्यासाठी सब्सक्रिप्शन लॉयल्टी प्रोग्राम 'पेटीएम फर्स्ट' नुकताच लॉन्च केला. पेटिएमच्या या नव्या सेवेमुळे आता एकाच ठिकणी मनोरंजन, शॉपिंग आणि फूड यासारखे अॅप वापरता येणार आहे. माहितीनुसार या अॅपच्या सब्सक्रायबर्सना पेटीएमकडून विशेष लाभ मिळणार आहेत. ================ नेटभेट चे लेख, विडिओ आणि कोर्सबद्दल अपडेट्स व्हाट्सअप्प वर मिळविण्यासाठी 908 220 5254 या क्रमांकावर SUBSCRIBE असे लिहून पाठवा किंवा खालील लिंक वर क्लिक करून आमचा व्हाट्सअप्प ग्रुप जॉईन करा - SUBSCRIBE - https://goo.gl/JtFkBR =============== धन्यवाद, टीम नेटभेट नेटभेट इलर्निंग सोल्युशन्स मातृभाषेतून शिकूया, प्रगती करूया ! www.netbhet.comere to edit. 'आता वेळ घालविलात,तर नंतर वेळ तुम्हाला घालवेल',अशा अर्थाची एक इंग्रजी म्हण आहे. वेळच्या खर्चाविषयी इतके समर्पक दुसरे भाष्य नसावे. आपली ध्येये वा उदिष्ट्ये,त्याकरिता उपलब्ध असणारा वेळ आणि तो वापरायची पद्धती हे त्रैराशिक परिणामकारकरित्या सोडविण्याकरीता एक महत्वाचा घटक म्हणजे खर्च होणाऱ्या वेळेवर नियंत्रण. वेळ फुकट घालविणरया बाह्य घटकांवर आपले नियंत्रण नसले तरी अंतर्गत घटकांवर म्हणजेच आपल्या चुकिच्या मनोवृत्तींवर आपण निश्चितच नियंत्रण आणू शकतो.अशा काही मनोवृत्ती पाहु- 1.आपण कोणत्याही कामाकरिता केव्हाही उपलब्ध आहोत,असे भासविणेभिडेपायी नकार देता न येणे,श्रेय अथवा प्रसिद्धीची हाव, कामाचा नेमका अंदाज बांधता न येणे, झपाट्याने प्रगती करण्याची अवास्तव इच्छा, सगळी कामे स्वतःच करण्याचा हव्यास अशा अनेक संभाव्य कारणांमुळे ही मनोवृत्ती तयार होते. 'सगळ्या गोष्टी साधावयास गेल्यास कोणतीच गोष्ट साध्य होत नाही' हे सूत्र लक्ष्यात ठेवल्यास ही मनोवृत्ती मुळातच निर्माण होणार नाही. 2. कामाचा शेवट पर्यंत पाठपुरावा न करणे-यामुळे अनेक छोटी कामे लांबणीवर पडून मोठ्या कार्याचा नाश होऊ शकतो. याकरिता हाती असलेल्या प्रकल्पाच्या ध्येयात छोट्या गोष्टींचाही काळजीपूर्वक विचार करावा.एखादा छोटा स्क्रू नसल्यास संपूर्ण यंत्र बंद पडू शकते याचे भान बाळगावे. 3.चालढकल करणेआळस,उत्साहाचा अभाव,आशा अनेक कारणांमुळे माणसे कामात दिरंगाई करतात.शारीरिक आणि मानसिक आरोग्यासाठी योग्य आहार,व्यायाम,विश्रांती,उत्साही व्यक्तींच्या संपर्कात राहणे,आशा लहान मोठ्या उपायांनी या मनोवृत्ती वर मात करता येते 4. कामात अडथळे येऊ न देणेबऱ्याच वेळा कामात येणारे अडथळे (उदा. दूरध्वनी,मेसेजेस, भेटावयास येणारी मंडळी इ.) हे आपणास अडथळे असल्याचे लक्ष्यात येत नाही व त्यामुळे हाती घेतलेल्या कामापेक्षा हे अडथळेच माणसाला अधिक महत्वाचे वाटतात. 'जागरूकता' हा यावर एक जालीम उपाय आहे असे म्हंटल्यास तो वावगे ठरु नये. 5. प्रकल्पांसंबंधी लोकांच्या सूचना वा मतांकडे दुर्लक्ष करणेयामुळे कित्तेक वेळा प्रकल्पातल्या अडचणींकडे आपले दुर्लक्ष होते व नंतर त्या अडचणी सोडविण्यात आपला वेळ जातो. ================ नेटभेट चे लेख, विडिओ आणि कोर्सबद्दल अपडेट्स व्हाट्सअप्प वर मिळविण्यासाठी 908 220 5254 या क्रमांकावर SUBSCRIBE असे लिहून पाठवा किंवा खालील लिंक वर क्लिक करून आमचा व्हाट्सअप्प ग्रुप जॉईन करा - SUBSCRIBE - https://goo.gl/JtFkBR ================ 6. नोंदवही न ठेवणेकामाच्यादृष्टीने महत्वाच्या गोष्टींची, वेळांची नोंद ठेवणे अत्यावश्यक असते. ना पेक्षा एकाच वेळी अनेक कामे आपण अंगावर घेतल्याचे आपणास लक्ष्यात येते व 'एक ना धड, भाराभर चिंध्या' अशी अवस्था होते. 7.जनसंपर्कात वाजवीपेक्षा अधिक वेळ दवडणे राजकीय पक्षांचे कार्यकर्ते, राज्यकर्ते, सनदी अधिकारी, सामाजिक क्षेत्रात काम करणाऱ्या व्यक्ती यांमध्ये ही मनोवृत्ती आढळते. 'राखावी बहुतांची अंतरे' हे असले तरी 'बहुत' म्हणजे किती याचा विवेक बाळगावयास हवा व काही वेळा कटाक्षाने जनसंपर्क टाळावयास हवा. 8. विश्रांतीची खरी आवश्यकता असणे पण झपाटल्यासारखे काम करत राहणेयामुळे खरेतर आपल्या क्षमतेचा ऱ्हास होऊन, कामास अधिक वेळ लागतो. यंत्रालाही विश्रांती, तेलवंगण लागते, मग माणसाचे काय? 9 केवळ आपल्या 'डोक्यावर' (?) अवलंबून राहणेआपल्या स्वतःवर आपला भरोसा निश्चित हवा पण केवळ स्वतःच्या माहितीवर, ज्ञानावर आपण विसंबून राहू नये, बाहेरची मदत जरूर घ्यावी जेणेकरुन आपला वेळ वाचू शकतो. वेळ खाणाऱ्या या मनोवृत्तीचे भान बाळगणे हाच त्या मनोवृत्ती नाहीशा करण्याचा उत्तम उपाय आहे. वेळ व्यवस्थापनाच्या या विविधांगांची जाणीव झाल्यानंतर त्याविषयी प्रत्यक्ष कृती करणे हेच महत्वाचे आहे.
================ नेटभेट चे लेख, विडिओ आणि कोर्सबद्दल अपडेट्स व्हाट्सअप्प वर मिळविण्यासाठी 908 220 5254 या क्रमांकावर SUBSCRIBE असे लिहून पाठवा किंवा खालील लिंक वर क्लिक करून आमचा व्हाट्सअप्प ग्रुप जॉईन करा - SUBSCRIBE - https://goo.gl/JtFkBR =============== धन्यवाद, टीम नेटभेट नेटभेट इलर्निंग सोल्युशन्स मातृभाषेतून शिकूया, प्रगती करूया ! www.netbhet.com गुगलने नुकताच "युट्युब म्युझिक स्ट्रीमिंग ऍप" भारतीय लोकांसाठी उपलब्ध करून दिले आहे
👉 यापूर्वी स्पॉटीफाय, ऍमेझॉन प्राईम , जिओसावन, गाना या काही सेवा म्युझिक स्ट्रीमिंग क्षेत्रात आहेत, त्यांना टक्कर देण्यासाठी आता गुगलने हे ऍप आणले आहे 👉 ग्राहकांना काय मिळणार? आता अक्षरशः लाखो गाणी, अल्बम्स, प्लेलिस्ट, रिमिक्स, लाईव्ह आणि मूळ गाणी रसिकांना पाहिजे तेव्हा ऐकता येणार आहेत. यामध्ये हजारो मराठी गाणी देखील उपलब्ध आहेत. 👉 युट्युब म्युझिक ऍप मोफत उपलब्ध आहे , यामध्ये गाण्यांसोबत जाहिराती देखील ऐकवल्या जाणार आहेत 👉 त्याचसोबत रु99 प्रतिमाहिना भरून ग्राहकांना युट्युब प्रीमिअम ऍप देखील विकत घेता येईल. त्यामध्ये जाहिराती नसतील आणि गाणी ऑफलाईन ऐकण्यासाठी डाउनलोड करता येतील. 👉 बरेच लोक सध्या युट्युबच्या व्हिडिओ ऍपवर गाणी ऐकतात. परंतु त्यासाठी युट्युब ऍप चालू ठेवावे लागते आणि मोबाईल मधील इतर ऍप्स त्यावेळेला चालवता येत नाहीत. परंतु युट्युब म्युझिक ऍप चालू असताना मात्र मोबाईलमध्ये मागे लपून राहते आणि आपण इतर ऍप्स वापरू शकतो. 👉 कुठे मिळणार? युट्युब म्युझिक ऍप अँड्रॉइड फोनवर मिळविण्यासाठी येथे क्लिक करा - https://play.google.com/store/apps/details?id=com.google.android.apps.youtube.music ================================================================================================ नेटभेट चे लेख, विडिओ आणि कोर्सबद्दल अपडेट्स व्हाट्सअप्प वर मिळविण्यासाठी 908 220 5254 या क्रमांकावर SUBSCRIBE असे लिहून पाठवा किंवा खालील लिंक वर क्लिक करून आमचा व्हाट्सअप्प ग्रुप जॉईन करा - https://goo.gl/JtFkBR ================================================================================================ गुगलने ग्रामीण भागातील मुलांचे वाचन कौशल्य वाढण्यासाठी अँड्रॉइड स्मार्टफोनवर ‘बोलो’ नावाचे अॅप लॉन्च केले आहे. या योजनेचा उद्देश जी मुले शाळेत जाऊ शकत नाहीत अशा मुलांना मदत करण्याचा आहे. बोलो अॅप गुगलच्या प्ले स्टोअर मधून विनामूल्य डाउनलोड होऊ शकतो.हे अॅप ऑफलाइन देखील कार्य करू शकतो.
डॉ. अब्दुल कलाम यांनी म्हटल्याप्रमाणे आताचं हे शतक तीन ‘टी’मुळे गाजणार आहे. इन्फर्मेशन टेक्नॉलॉजी (आयटी), बायोटेक्नॉलॉजी (बीटी) आणि नॅनोटेक्नॉलॉजी (एनटी). आता तर तंत्रज्ञानाची ही प्रगती इतक्या जलद गतीनं होतेय, की तिचा आपल्या आयुष्यावर, व्यवसायावर, नोकऱ्यांवर आणि कामाच्या पद्धतींवर प्रचंड परिणाम होणार आहे. त्यासाठी तयार राहणं, त्या प्रगतीचा वेग स्वीकारणं, त्याप्रमाणे स्वतः बदलून पुढं जाणं हे सगळ्यात मोठं आव्हान राहणार आहे.
तंत्रज्ञानातल्या प्रचंड वेगानं होणाऱ्या प्रगतीमुळं अनेक जुनी कौशल्यं कालबाह्य झाली आणि नवीन कौशल्यांची मागणी वाढली. अनेक व्यवसाय पूर्णपणे नष्ट झाले किंवा त्यांचं स्वरूप बदललं. पूर्वीच्या टायपिस्ट मंडळींना आता वर्ड प्रोसेसिंग किंवा डीटीपी शिकावं लागलं. जुन्या ड्राफ्ट्समनना कॅड कॅम शिकावं लागलं, एटीएम आल्यानंतर बॅंकेतल्या टेलर क्लार्कची गरज राहिली नाही. उद्या चालकाशिवाय चालणाऱ्या मोटारगाड्या आल्या की लाखो चालकांवर बेरोजगारीची कुऱ्हाड कोसळेल. ई-मेलनंतर टपाल-कार्यालयांचं स्वरूप बदललं. उद्याच्या जगात रोबोच घरातली आणि इतर कामं करायला लागले तर माळी, वेटर, रंगारी, घरगडी अशा अनेकांची कामं जाण्याचा मोठा धोका आहे. मित्रांनो, बिझनेससाठी योग्य आयडीया आपल्या आजुबाजुलाच असतात, फक्त त्यासाठी नजर पाहिजे आसपासचे प्रॉब्लेम्स ओळखण्याची ! मनोरंजनाची आणि सिनेमाची प्रचंड आवड असलेल्या भारतीयांसाठी अशीच एक अनोखी आयडीया एका उद्योजकाने शोधून काढली आणि त्याचे यशस्वी व्यवसायात रुपांतरही केले.
मल्टीप्लेक्स क्रांतीमुळे शहरी भारतीयांचा चित्रपट-पाहण्याचा अनुभव बदलला असेल परंतु मोठ्या शहरांबाहेर राहणाऱ्या लोकांसाठी, सिनेमागृहमधील नवीनतम हॉलीवूड, बॉलीवूड किंवा प्रादेशिक चित्रपट पाहणे कठीण असते अथवा कधीकधी अशक्य असते. 2013 मध्ये, दक्षिण अमेरिकेत काम केल्यानंतर काही वर्षांनी भारतात परत आल्यावर सुशील चौधरी यांना भारतातील ग्रामीण भागात चित्रपटगृहांचा अभाव जाणवला.1.3 अब्जापेक्षा जास्त लोकसंख्या असलेल्या देशामध्ये अजुनही लहान शहरे आणि गावे सिनेमापासून दूर आहेत हे जाणवले, त्यातुनच ग्रामीण भागातील लोकांपर्यंत पोहोचण्यासाठी 'मोबाईल थिएटर' ही संकल्पना त्यांच्या डोक्यात आली आणि म्हणूनच 2015 मध्ये त्यांनी 'पिक्चर टाइम' नावाची फर्म स्थापन केली. सतत बदलत्या तंत्रज्ञानाकडे,स्पर्धेकडे आणि बदलत्या सामाजिक गरजांकडे सतत लक्ष देऊन आपल्या व्युहरचनेत सतत बदल करण्याची तयारी काही कंपन्या दाखवतात.
फेडेक्स कॉर्पोरेशन या अमेरिकन कुरियर डिलिव्हरी सर्विस देणाऱ्या कंपनीने असंच काहीसं केलं आहे. त्यांनी एक स्वयंप्रणीत रोबोट डिलीव्हरी डिव्हाइस विकसित केला आहे ज्याचं नाव आहे 'फेडेक्स सेम-डे बॉट’ ज्यामुळे विक्रेत्यांना त्यांच्या ग्राहकांना एकाच दिवशी कुरिअर अथवा वस्तू वितरित करण्यात मदत होईल. फेडेक्सने म्हटले आहे की 'फेडेक्स सेम-डे बॉट’' या त्यांच्या रोबोटची काही अमेरिकन शहरांमध्ये चाचणी सुरू आहे ज्यात बॅटरीवर चालवलेले रोबोट सेन्सर आणि एकाधिक कॅमेऱ्यासह स्वत: ला वळवणारे डिलिव्हरी डिव्हाइस आहे. हा रोबो येणारे अडथळे ओळखण्यात तसेच त्यांना टाळण्यासाठी आणि रस्त्यावर सुरक्षिततेच्या नियमांचे पालन करण्यात मदत करण्यासाठी सुसज्ज आहे. याची बॅटरी-स्वयं चालित आहे आणि त्याचा वेग हा सुमारे १६ किमीप्रती तास इतका आहे. पासवर्ड सुरक्षा ही व्यावसायिक आणि त्यांच्या व्यवसायाकरिता खूप महत्वाची बाब आहे. डेटा हॅकमुळे अमेरिकेच्या अर्थव्यवस्थेत २०१६ मध्ये ५७ अब्ज डॉलर्स आणि १०९ अब्ज डॉलर्सचा खर्च झाला. लहान व्यवसायासाठी, डेटा हॅकची किंमत आणि नुकसान अपरिवर्तनीय असू शकते.
८१% कंपनींचा डेटा खराब पासवर्डमुळे भंग झाला आहे. पासवर्डशी संबंधित काही सोप्या आणि प्रभावी पद्धती वापरून व्यवसायिकांना त्यांच्या व्यवसायात होणाऱ्या हानीपासून स्वतःचे संरक्षण करता येईल. पुढील ९ सर्वोत्तम पासवर्ड पध्दतीमुळे हॅकर्स तुमच्या व्यवसायापासून लांब राहतील.
घरासाठी आणि ऑफिससाठी फर्निचर बनवणारी IKEA (आईकिया) ही जगातील सगळ्यात मोठी कंपनी आहे. अनेक वेगवेगळ्या इनोव्हेशनसाठी प्रसिद्ध असलेल्या या कंपनीने फर्निचर क्षेत्रात मोठे नाव कमावले आहे.
प्रचंड मोठे शोरूम, सहजगत्या जोडता येणारे मॉड्युलर फर्निचर , अत्यंत कमी खर्चात उपलब्ध करून दिलेलं फर्निचर अशा अनेक नव्या कल्पना IKEA ने सर्वात प्रथम राबवल्या. IKEA ने जेव्हा रेस्टॉरंट आणि कॉफी शॉप्स सुरू केले तेव्हा अनेकांच्या भुवया उंचावल्या. परंतु यामागे IKEA ची एक चांगली मार्केटिंग कल्पना होती. बिझनेस सुरु केल्यापासून ते मोठा करत असताना बिझनेस आणि फायनान्सशी संबंधीत अनेक संकल्पना उद्योजकाला शिकाव्या लागतात. या संकल्पना किंवा सज्ञा यांना म्हणजे बिझनेसची भाषाच आहेत.
तर अशी ही बिझनेसची भाषा एका अतिशय सोप्या उदाहरणाच्या सहाय्याने समजावून सांगणारा हा व्हीडीओ आम्ही प्रस्तुत करत आहोत. नेटभेटच्या सर्व सभासदांना हा व्हीडीओ नक्कीच आवडेल आणि उपयुक्त ठरेल याची आम्हाला खात्री आहे. व्हीडीओ कसा वाटला ते आम्हाला अवश्य कमेंट्स मध्ये लिहून कळवा. आणि व्हीडीओ शेअर करुन आपल्या मित्रमंडळीकडे देखिल ही माहिती पोहोचवा ! नेटभेट प्रस्तुत करत आहेत महाराष्ट्राच्या घराघरात उद्योजक तयार करणारा मराठी ऑनलाइन कोर्स
- उद्योजकता विकास प्रशिक्षण ( Entrepreneurship Development Programme) नमस्कार मित्रहो,
जगभरात मोठे म्हणजेच जास्त किमतीचे सेल्स करताना हमखास वापरली जाणारी SPIN SELLING ही पद्धत नक्की काय आहे आणि ती आपण आपला सेल्स वाढवण्यासाठी कशा प्रकारे वापरू शकतो हे शिकविणारा हा मराठी व्हीडीओ ...सादर करत आहोत खास नेटभेटच्या प्रेक्षकांसाठी.... https://www.youtube.com/watch?v=4YFuoIWTqHI =================================================== नेटभेटचे नवीन अपडेट्स, लेख आणि कोर्सबद्दल माहिती whatsapp वर मिळविण्यासाठी 908 220 5254 या क्रमांकावर SUBSCRIBE असे लिहून पाठवा ! =================================================== करिअर आणि बिझनेस मध्ये प्रगती करण्यासाठी उपयोगी ठरतील असे अनेक कोर्सेस आम्ही मराठीतून उपलब्ध करून दिले आहेत. यापैकी काही कोर्सेस मोफत शिकता येतील. या संधीचा फायदा घेण्यासाठी www.netbhet.com या वेबसाईटला अवश्य भेट द्या ! =================================================== मित्रांनो, आगामी आर्टीफिशीयल इंटेलिजन्स (कृत्रीम बुद्धीमत्ता) , थ्रीडी प्रिंटींग, आधुनिक शेती तंत्र, स्वयंचलित गाड्या, सौर उर्जा, ऑनलाईन शिक्षण आणि नव्या प्रकारचे जॉब्स या अनेक क्षेत्रात भरपूर प्रगती होत आहे. हीच आहे चौथ्या औद्योगिक क्रांतीची सुरुवात.
ही औद्योगिक क्रांती जग बदलवून टाकणार आहे.....आपल्या डोळ्यासमोर येत्या काही वर्षात अनेक बदल होणार आहेत. कदाचित खुप चांगले आणि कधाचित खुप भयानक बदलांना आपण सामोरे जाणार आहोत. - स्वयंचलित गाड्या आल्यानंतर आपल्या पुढच्या पिढीला कदाचित कधीच ड्रायविंग लायसेन्स काढावं लागणार नाही, - भविष्यामध्ये सौर-उर्जेचा प्रभाव कसा असेल, - प्राण्यांची कत्तल केल्या शिवायही मांस बनवता येईल, - जमीनी शिवाय शेती करता येईल - आणि उच्चशिक्षण प्रत्येकाच्या कक्षेत येईल भविष्यातील या रंजक आणि अचंबित करणार्या तंत्रज्ञानाची सफर घडविणारा हा व्हीडीओ सादर करत आहोत. नेटभेटच्या वाचकांना भविष्याची ही सफर नक्कीच आवडेल. मित्रांनो, 2018 हे वर्ष माझ्यासाठी खूप महत्त्वाचं होतं. नेटभेट ई-लर्निंग सोल्युशन्स मध्ये अनेक नवीन सुधारणा झाल्या, नवीन कोर्सेस लॉंच केले. तसेच अनेक नवीन ठिकाणी सेमिनार देखील घेतले. यादरम्यान अनेक नवीन ओळखी झाल्या, नवे मित्र मिळाले आणि नवे ग्राहक देखील मिळाले.
या सर्वांमुळे 2018 मध्ये खूप काही शिकायला मिळालं आणि त्यामधून माझ्यामध्येच अनेक सुधारणा मला करता आल्या. मित्रांनो, दरवर्षी मला काय नवीन शिकता आलं या की मी यादी करत असतो. यावर्षी देखील मी अशी यादी तयार केली आहे. आणि प्रथमच मी आपल्याबरोबर या स्वरूपात 2018 मध्ये मी काय शिकलो ते शेअर करत आहे. जपान मध्ये फ्रेशनेस बर्गर नावाची एक मोठी बर्गर चेन आहे. फ्रेशनेस बर्गर ना आढळून आलं की त्यांच्या मेनू मधला "क्लासिक बर्गर" हा त्यांचा सगळ्यात मोठ्या आकाराचा बर्गर फारसा विकला जात नव्हता. किमतीमध्ये अनेक बदल करून पाहिले, डिस्काउंट देऊन पाहिले, तो बर्गर आरोग्यासाठी कसा चांगला आहे त्याच्या अनेक जाहिराती करून पाहिल्या परंतु तरीही बर्गर चा सेल काही वाढत नव्हता.
मार्केटिंग डिपार्टमेंट ने बर्गर च्या विक्रीचा नीट अभ्यास करायला सुरुवात केला तेव्हा त्यांच्या लक्षात आले की महिला हा बर्गर विकतच घेत नाहीत. त्यामुळे इतर पदार्थांच्या तुलनेत क्लासिक बर्गरची विक्री जवळपास निम्म्या इतकीच असते. एकदा ही माहिती मिळाल्यानंतर मार्केटिंग डिपार्टमेंटने महिला क्लासिक बर्गर का विकत घेत नाहीत याचा अभ्यास सुरू केला. जेव्हा महिलांच्या दृष्टिकोनातून त्यांनी या प्रश्नाकडे पाहिले तेव्हा त्यांना उत्तर सापडले. जपान देश स्वच्छतेच्या बाबतीत जगात सर्वात अग्रेसर मानला जातो. अगदी चकचकीत रस्ते, स्वच्छ आणि सुंदर आखीव रेखीव शहरे आणि प्रचंड शिस्तबद्ध जपानी नागरिक यांच अप्रूप आपल्याला सतत वाटत राहतं.
मित्रांनो, जपानी लोकांच्या या गुणामध्ये तेथील शिक्षण पद्धतीचा मोलाचा वाटा आहे. लहानपणीच जपानी शाळांमध्ये मुलांवर स्वच्छता आणि स्वयंशिस्त यांचे संस्कार कसे केले जाते ते नेटभेटच्या या व्हीडीओ मध्ये पाहता येते. भारातीयांना स्वच्छतेबाबत अजून बराच पल्ला गाठायचा आहे. या व्हिडीओ मधून निदान सुरुवात कशी करावी ते तरी कळेल. प्रत्येक भारतीयाने आवर्जून पहावा आणि आपल्या इतर मित्रांसोबत (प्रामुख्याने जे पालक आहेत त्यांच्यासोबत) जरुर शेअर करावा असा हा व्हिडीओ ! व्हिडीओ आपल्याला कसा वाटला ते खाली कमेंटस मध्ये अवश्य लिहून कळवा ! तुम्हाला जर आपल्या लघु उद्योगाला मोठ्या उद्योगामध्ये रूपांतरित करायचं असेल तर त्यासाठी आपला ब्रँड उभा करणं आवश्यक आहे. ब्रँडिंग म्हटलं की त्यासाठी खूप गुंतवणूक लागेल, पैसा लागेल, एक्सपर्ट ची मदत लागेल असं वाटतं. काही अंशी ते खरं देखील आहे. परंतु आपल्या सुदैवाने आपण सध्या अशा काळामध्ये जगत आहोत जिथे तंत्रज्ञानामुळे अगदी जगभरातल्या कोणत्याही व्यक्तीपर्यंत सहज पोहोचता येऊ शकतं, आपला ब्रँड तिथपर्यंत घेऊन जाता येऊ शकतो.
आज या लेखामध्ये मी अशाच काही अत्यंत कमी खर्चाच्या ब्रँडिंग टिप्स माझ्या उद्योजक मित्रांना देणार आहे. मला खात्री आहे या सोप्या आणि जलद ब्रँडिंग टिप्स तुमचा लघुउद्योग मोठा करण्यासाठी नक्कीच मदत करतील. एक भिकारी आपला व्यवसाय वाढविण्यासाठी एका मार्केटिंग तज्ञाला भेटतो. तेव्हा मार्केटिंग तज्ञ त्याला काय सल्ला देतो आणि त्याचा कसा फायदा होतो हे सांगणारा गमतीशीर व्हिडीओ !
माझ्या प्रत्येक ट्रेनिंग मध्ये आणि मार्केटिंग व्हिडिओ मध्ये मी नेहमी उद्योजकांना दोन टिप्स देत असतो. उद्योग वाढविण्यासाठी "आपले योग्य ग्राहक निवडणं" (Target customers) आणि "स्पर्धकांपेक्षा काहीतरी वेगळं करणं" (Differentiation Strategy) या त्या दोन टिप्स आहेत. आज एका मित्राने एक व्हिडिओ माझ्यासोबत शेअर केला. वर दिलेल्या या दोन्ही गोष्टी त्यामध्ये अत्यंत गमतीशीरपणे समजावल्या आहेत. प्रत्येक उद्योजकाने नक्की पहावा असा हा व्हिडीओ. (व्हीडीओ वेगळ्याच भाषेत आहे म्हणून व्हिडीओच्या खाली मराठी भाषेत अनुवाद केला आहे.) तुम्ही यातून काय शिकलात ते खाली कमेंट मध्ये लिहायला विसरू नका ! नेटभेटच्या यूट्यूब चैनल वर , आमच्या फेसबुक पेजवर किंवा व्हॉट्सऍप मध्ये एक प्रश्न मला जवळपास दररोज विचारला जातो. तो म्हणजे, मला माझा जॉब सोडून बिझनेस सुरू करायचा आहे त्यासाठी मला मार्गदर्शन करा.
मित्रांनो, प्रत्येक व्यक्तीची परिस्थिती वेगवेगळी असते , प्रत्येकाचे शिक्षण, त्यांचे कौशल्य, घरातून असलेला सपोर्ट, त्यांचं नेटवर्क, त्यांची बुद्धिमत्ता, मेहनत करण्याची शारीरिक आणि मानसिक तयारी वेगवेगळी असते. आणि म्हणून या प्रश्नाचं सरळ साधं सोपे उत्तर देता येणं कठीण असतं. बहुतेक वेळा मी असे प्रश्न टाळतो, त्यांना उत्तरच देत नाही. प्रत्येकाची केस समजुन घेऊन उत्तर देणे वेळेअभावी शक्य होत नाही. आणि म्हणूनच, आज या लेखामधून ढोबळमानाने नोकरी सोडून व्यवसाय सुरू करण्याचा निर्णय घेताना कसा विचार करावा हे मी सांगण्याचा प्रयत्न करत आहे मित्रांनो, कदाचित हे प्रश्न तुम्हाला घाबरवतील, हा लेख कदाचित तुम्हाला आवडणारही नाही. पण उगाचच मोटिवेशनल बोलण्यात मला रस नाही. उद्योजक आणि जुगारी यांचा मध्ये फरक असतो. उद्योजकाला आपली रिस्क नक्की कोठे आहे, किती आहे हे ठाऊक असतं. वरील सर्व प्रश्नांमधून तेच सांगण्याचा मी मनापासून प्रयत्न केला आहे. परवा ११ नोव्हेंबरला चीनच्या अलिबाबा.कॉमने एक नवा विक्रीचा उच्चांक गाठला. सिंगल्स डे म्हणून ओळखल्या जाणार्या या दिवसामध्ये अलिबाबा.कॉमने तब्बल ३० बिलियन डॉलर्स इतकी विक्री केली. जगामध्ये कोणत्याही कंपनीने एका दिवसात केलेल्या विक्रीचा हा जागतिक विक्रम होता. अलिबाबाने गेल्या वर्षी सिंगल्स डे मध्ये २५ बिलियन डॉलर्सचा सेल्स केला होता.
मित्रांनो, हा सेल्स किती मोठा होता ते समजावून घेण्यासाठी आपण आपल्या भारतातील इकॉमर्स कंपन्यांचं उदाहरण घेऊया. फ्लिपकार्ट आणि अॅमेझॉन या दोन मोठ्या इकॉमर्स कंपन्यांची भारतातील वार्षिक मिळकत अनुक्रमे ६.५ बिलियन आणि ५ बिलियन डॉलर्स आहे. म्हणजेच या दोनही कंपन्या मिळून पुर्ण वर्षभरात जेवढा बिझनेस करतात त्याच्या तिप्पट विक्री अलिबाबा.कॉम ने केवळ एका दिवसात केली. नमस्कार मित्रांनो,
या लेखामध्ये आपण काही नवीन इनोव्हेटीव्ह बिझनेस मॉडेल्स पाहणार आहोत. सध्या इंटरनेट, मोबाईल, टेकनॉलॉजि यांची खूप प्रगती होत आहे आणि या सगळ्यामुळे अनेक इंनोव्हेटीव्ह बिझनेस मॉडेल्स तयार झाले आहेत. खूप साऱ्या उद्योजकांनी याचा चांगल्या प्रकारे वापर केला आहे. आणि नवनवीन स्टार्टअप्स चालू केले आहेत. आणि त्यापैकीच काही मोठे बिझनेस देखील बनले आहेत. तुम्ही हे नवीन बिझनेस मॉडेल्स वापरून तुमचा बिझनेस चालु करु शकता किंवा ग्राहकांचा एखादा प्रश्न सोडवून त्याच्यातून एक नवा आणि मोठा बिझनेस उभारू शकता. चला तर मग आता आपण ओळख करून घेऊयात या नव्या बिझनेस मॉडेल्सची. नमस्कार मित्रांनो, आपण मागील काही भागांमध्ये बिझनेस मॉडेल बद्दल पाहिलं. या भागात आपण काही ट्रॅडिशनल बिझनेस मॉडेल्स बद्दल बघणार आहोत. ट्रॅडिशनल बिझनेस मॉडेल म्हणजे पूर्वापार चालत आलेले बिझनेस मॉडेल्स. पाहिलं ट्रॅडिशनल बिझनेस मॉडेल जे आपण पाहणार आहोत ते आहे रिटेल बिझनेस मॉडेल्स. १. रिटेल बिझनेस मॉडेल: रिटेल बिझनेस मॉडेल म्हणजे थोडक्यात दुकान. दुकानात आपण कुठूनतरी माळ घेऊन येतो दुकानात ठेवतो आणि जसजसे ग्राहक येतील तसतसे आपण त्यांना माल विकतो. हे अगदी साधं आणि सरळ वर्षानोवर्ष चालत आलेलं बिझनेस मॉडेल आणि मॅनेजमेंट भाषेत त्याला रिटेल असं म्हणतात. हेच रिटेल जेव्हा आपण ऑनलाईन करतो तेव्हा त्याला इ-कॉमर्स असं म्हणतात. परंतु तो भाग आपण नंतर बघूया. सध्या आपण ट्रॅडिशनल बिझनेस मॉडेल बद्दल चर्चा करूयात. २. डिस्ट्रिब्युशन बिझनेस मॉडेल: ज्यांचा फॅक्टरी किंवा जे मोठ्या प्रमाणात उत्पादन करतात, त्यांना तो माल एकएक ग्राहकाला शोधून विकणंखूप कठीण असत. आणि त्यामुळे तसं न करता मधे डिस्ट्रिब्युटरची नेमणूक करतात. हा डिस्ट्रिब्युटर मॅन्युफॅक्चर कडून घाऊक माल विकत घेतो आणि त्यानंतर तो रिटेलर्सना विकतो. तर हे झालं डिस्ट्रिब्युशन बिझनेस मॉडेल किंवा यालाच होलसेल बिझनेस मॉडेल असं देखील म्हणतात. ३. फ्रँचाइजी बिझनेस मॉडेल: हा एक अतिशय इंटरेस्टींग बिझनेस मॉडेल आहे. तुम्ही याआधी सुद्धा याबद्दल ऐकलं असेल. यामध्ये एखादी कंपनी आपला ब्रँड, आपल्या कंपनीचं नाव, आपली उत्पादनं, किंवा आपली उत्पादनं बनवण्याची प्रोसेस हि इतर बिझनेसेस ला वापरण्यासाठी देते आणि त्याच्यासाठी त्यांच्याकडून फ्रँचाइजी फी च्या स्वरूपात पैसे आकारते. उदा. मॅकडॉनल्ड्स. प्रत्येकाने मॅकडॉनल्ड्स मध्ये काहीतरी खाल्लं असेलच. तर त्याच प्रत्येक दुकान हे मॅकडॉनल्ड्सच नसत. छोट्या उद्योजकांना मॅकडोनाल्ड आपलं ब्रँड देतो, प्रोसेस देते, आपलं प्रॉडक्ट कसं बनवायचं त्याची माहिती देते, प्रॉडक्ट कसे विकायचे ते शिकवत. आणि त्याबदल्यात छोट्या उद्योजकांकडून मॅकडॉनल्ड्स रॉयल्टी फी म्हणजेच फ्रँचाइजी फी घेते. आणि त्यांच्या होणाऱ्या विक्रीवर कंमिशन देखील घेते. हे बिझनेस मॉडेल अतिशय चांगलं आहे कारण यात दोघांचाही फायदा होतो. कंपनीचा जास्तीत जास्त दुकाने एकत्र बनवता येतात. त्यासाठी त्यांना जास्त इन्व्हेस्टमेंट करायची गरज भासत नाही. इतर छोटे उद्योजक ते करतात. तसेच उद्योजकांना देखील ते फायद्याचे आहे, त्यांना स्वतःहून उत्पादनं शोधावं लागत नाही, बनवावं लागत नाही, ब्रँड नेम बनवण्यासाठी त्यांना कष्ट घ्यावे लागत नाही. या बिझनेसमध्ये चुका कमीत कमी होतात कारण कंपनीमध्ये हे शिकवून एक प्रोसेस तयार केलेली असते, संपूर्ण बिझनेस मॉडेल उभा केलेला असतो. आणि छोट्या उद्योजकांना कमी रिस्क मध्ये फ्रँचाइजी मिळते. आणि त्यांना बिझनेस सुरु करता येतो. म्हणून फ्रँचाइजी बिझनेस मॉडेल अतिशय यशस्वी आहे. जगभरात तो विविध उद्योगांमध्ये तो वापरला जातो. ४. ऍडव्हर्टायझिंग बिझनेस मॉडेल: हे बिझनेस मॉडेल सुद्धा तुम्हाला माहित असेलच. टीव्हीवर जे चॅनेल्स असतात ते प्रोग्रॅम दाखवतात आणि त्याच्यामध्ये जाहिरात दाखवतात. आणि चॅनेल्स हे मुख्य करून जाहिरातींमधून जास्त पैसे कमावतात. किंवा मग न्यूजपेपर किंवा मॅगझिन्स जाहिराती विकून त्यातून पैसे कमवतात. ५. सब्स्क्रिप्शन बिझनेस मॉडेल: सब्स्क्रिप्शन म्हणजे वर्गणी. मासिक किंवा न्यूजपेपर महिन्याची किंवा वर्षभराची वर्गणी आकारतात आणि त्यानंतर आपले अंक पाठवत असतात. सब्स्क्रिप्शन बिझनेस मॉडेल हा अतिशय चांगला आहे. कारण यामध्ये जेव्हा तुम्ही एखादा ग्राहक घेतलात तर तो काही काळापर्यंत तरी तुमच्याकडे असतो. जर वार्षिक वर्गणी असेल तर तो ग्राहक पूर्ण वर्षभर तुमच्याकडे राहतो. DNA या न्यूजपेपरने सब्स्क्रिप्शन चा खूप चांगला वापर केला होता. DNA हा न्यूजपेपर बाकी न्यूजपेपर पेक्षा नवीन होता. तर त्या न्यूजपेपर सोबत स्पर्धा देण्यासाठी त्यांनी एक योजना आखली. त्यांनी आपल्या न्यूजपेपरची सब्स्क्रिप्शन किंमत खूप कमी केली. एकटी कमी केली की अगदी ५० पैशांपर्यंत त्या न्यूजपेपर ची किंमत झाली होती. इतकी कमी किंमत असल्यामुळे लोकांनी त्याचे सब्स्क्रिप्शन विकत घेतले. DNA ने याच ग्राहकांचा डेटा जाहिरातदारांकडे नेला आणि त्यांना सांगितलं की, बघा आता आमच्याकडे एवढे सारे ग्राहक आहेत आणि आता आम्हाला जाहिराती द्या. म्हणजेच DNA ने सब्स्क्रिप्शन बिझनेस मॉडेलचा चांगलाच उपयोग करून घेतला. त्यानी खूप जास्त ग्राहक आधी स्वतःकडे आणले.आणि त्यानंतर तेच ग्राहक वापरून आणखी जाहिराती मिळवल्या आणि पैसे कमवले. हे बिझनेस मॉडेल चांगल्या पद्धतीने वापरलं तर नक्कीच आपला बिझनेस वाढू शकतो. तर मित्रांनो हे झालं ट्रॅडिशनल बिझनेस मॉडेल्स. वर्षानुवर्षे हे बिझनेस मॉडेल्स चालत आलेले आहेत. तुम्ही जर तुमचा बिझनेस सुरू करणार असाल तर या बिझनेस मॉडेल्सचा जरूर विचार करा. त्याव्यतिरिक्त आता इंटरनेट, मोबाईल, नवीन टेकनॉलॉजि यांच्या प्रगतीमुळे नवीन बिझनेस मॉडेल देखील उदयाला येत आहेत. ते अतिशय उपयुक्त आणि बिझनेस मॉडेलच्या बेसिसवरच तयार झालेले आहेत. आणि ते काय आहेत आणि ते कसे वापरायचे आणि आपण आपला उद्योक कसा सुरु करू शकतो ते आपण बघुयात पुढील व्हिडीओमध्ये. ऑल द बेस्ट! धन्यवाद !! नमस्कार मित्रांनो, उद्योजक हे वेगवेगळ्या प्रकारचे उद्योग करत असतात, यामध्ये सर्विस बिझनेस असतात किंवा प्रॉडक्ट बिझनेस असतात. तर प्रॉडक्ट आणि सर्विस बिझनेस म्हणजे नक्की काय आणि त्यामधील फरक काय आहे ते आपण यामध्ये पाहणार आहोत. आणि या व्यतिरिक्त मी तुम्हाला आणखी एक बिझनेसचा प्रकार सांगणार आहे आणि तो आहे प्लॅटफॉर्म. ती काय आहे आहे आणि या नव्या युगामध्ये ती कशी वापरली जाते ते आपण पाहणार आहोत.
तर आता आपण सुरुवात करूयात सर्विस बिझनेस पासून. सर्विस बिझनेस: सर्विस बिझनेस सुरु करायला अतिशय सोपे असतात. लगेच कोणीही फ्रीलान्सर म्हणून काम करू शकतो. कंसल्टंट, वेब डिझाइनर किंवा ट्रेनर होऊ शकता. त्यासाठी फक्त तुम्हाला स्किल शिकणं गरजेचं आहे. आणि ते स्किल शिकल्यानंतर तुम्ही सर्विस द्यायला सुरुवात करू शकता. सर्विस बिझनेस मध्ये तुम्ही जेवढा वेळ किंवा जे काही काम करता त्याचे तुम्ही पैसे घेता. म्हणजे तुमचा टाइम हा सर्विससाठी महत्वाचा आहे. आणि सर्विस ह्या कधीही साचून किंवा राखून ठेवता येत नाही. जर आपण एक प्रॉडक्ट विकत घेतलं तर ते आपल्या सोबत राहतं, परंतु सर्विस हि त्याच वेळी वापरावी लागते. तर सर्विस आणि प्रॉडक्ट बिझनेस मधला हा एक मुख्य फरक आहे. सर्विस बिझनेस हा उद्योजक अतिशय सुरुवातीला करतात. एकदम बेसिक फ्रीलान्सिंग जेव्हा त्यांना करायची असते तेव्हा करतात. त्यांनतर पुढचा जो प्रकार आहे तो प्रॉडक्ट बिझनेस. प्रॉडक्ट बिझनेस: प्रॉडक्ट बिझनेस मध्ये ज्या वस्तू किंवा गोष्टी आपल्याला हाताळता येतात किंवा आपण ज्यांना स्पर्श करू शकतो त्यांना फिजिकल प्रॉडक्ट असं म्हणतात. फिजिकल प्रॉडक्ट ची आपण विक्री करू शकतो त्याला प्रॉडक्ट बिझनेस असं म्हणतात. पण प्रॉडक्ट बिझनेस करताना तुम्हला त्या प्रॉडक्ट मधील एक्स्पर्ट तर व्हावं लागतंच आणि ते प्रॉडक्ट बनवायचं किंवा प्रोड्युस करायचं सेटअप देखील आवश्यक असतं. त्यासाठी कदाचित तुम्हाला एखादी फॅक्टरी उभी करावी लागेल. परंतु तो प्रॉडक्ट बनवण्यासाठी तो सेटअप असणं आवश्यक आहे. म्हणून प्रॉडक्ट बिझनेस हा थोडासा कॉम्प्लिकेटेड किंवा अवघड होतो. पण प्रॉडक्ट बिझनेस फायदा हा आहे की, त्यासाठी तुम्हाला सारखा तुमचा वेळ द्यावा लागत नाही. ते प्रॉडक्ट विकल्यानंतरच ते प्रॉडक्ट स्वतःची सर्विस ग्राहकांना देत असते. जर तुम्हाला तुमचा बिझनेस वाढवायचा असेल तर तुम्हाला प्रॉडक्ट बिझनेसमध्ये गेलं पाहिजे. सर्विस बिझनेसमध्ये तो बिझनेस मोठा करणं खूप कठीण आहे. एक व्यक्ती जोपर्यंत त्यात काम करते तोपर्यंत ती सर्विस देऊ शकते. पण प्रॉडक्ट बिझनेसमध्ये हाताखाली माणसं ठेऊन तुम्ही तुमचा बिझनेस करू शकता. आणि तुमचा प्रॉडक्ट हे मोठ्या संख्येने विकू देखील शकता. तर मित्रांनो आता जे आपण पाहिलं ते एक फिजिकल प्रॉडक्ट बद्दल पाहिलं. असं प्रॉडक्ट जे आपल्याला हाताळता येत किंवा त्याला आपण स्पर्श करू शकतो. पण प्रॉडक्टमध्ये आणखी एक प्रकार आलेला आहे. इंटरनेटच्या वाढत्या वापरामुळे हा प्रकार आलेला आहे. ज्याला आपण डिजिटल प्रॉडक्ट असं म्हणतो. डिजिटल प्रॉडक्ट हे डाउनलोडेबल असतात किंवा ऑनलाईन आपल्याला बघता येतात. उदाहरणार्थ, म्युजिक. गाणी बनवणं हा एक डिजिटल प्रॉडक्ट आहे. आणि हा जो व्हिडीओ बनवत आहे तो सुद्धा एक डिजिटल प्रॉडक्ट आहे. आणि जर हा व्हिडीओ मी तुम्हाला विकला तर मी तुम्हाला एक डिजिटल प्रॉडक्ट विकणार आहे. किंवा नेटभेटचे काही ऑनलाईन व्हिडीओ कोर्सेस असतात तर ते सुद्धा डिजिटल प्रॉडक्ट आहेत. डिजिटल प्रॉडक्ट हे खूप प्रॉफिट मिळवून देणारे असतात. आणि डिजिटल प्रॉडक्ट तसं बनवणं खूप सोपं असत. करणं तुम्हाला त्यासाठी मोठा सेटअप करावा लागत नाही. तुम्ही सहजपणे दोघितलं प्रॉडक्ट बनवू शकता. डिजिटल प्रॉडक्ट बनवण्याचा मुख्य फायदा म्हणजे त्याला खूप जास्त स्केलप करता येत, त्याच तुम्हाला प्रोडक्शन करायचं नसत, तुम्हाला त्याच शिपिंग करायचं नसत. ते फक्त इंटरनेट वरून डाउनलोड करता येतात. त्यामुळे ते प्रॉडक्ट तुम्ही एकाला विकलं किंवा दहा लोकांना विकलं तरी त्याची बनवणायची कॉस्ट हि जास्त नसते खूपच कमी असते. त्यामुळे तुमचं ते प्रॉडक्ट खूप जास्त स्केलेबल आणि प्रोफीटेबल असत. हल्ली तुम्ही कदाचित SAAS (Software As a Solution ) हा शब्द ऐकलं असेल. हे सॉफ्टवेअर आता डिजिटल प्रॉडक्ट झालेलं आहे. आधी ते फिजिकल प्रॉडक्ट होतं. पूर्वी आपण सॉफ्टवेअर CD मध्ये विकत घ्यायचो किंवा ते डाउनलोड करून घ्यायचो. आणि ते आपल्या कॉम्पुटरमध्ये इन्स्टॉल करून घेतलं की ती आपली लोकल कॉपी व्हायची. म्हणजे तेव्हा ते प्रॉडक्ट होतं. परंतु आता इंटरनेटच्या वापरामुळे सॉफ्टवेअर आपल्याला इन्स्टॉल करावं लागत नाही. किंवा डाउनलोड करावं लागत नाही. सॉफ्टवेअर चे आपल्याला एकत्रित पैसे द्यावे लागत नाही. जेवढं आपण सॉफ्टवेअर वापरू तेवढंच आपण त्याचे पैसे देऊ. त्यामुळे आता सॉफ्टवेअर चा प्रॉडक्ट आणि सर्विस अश्यात बदल झालेला आहे. उदा. ड्रॉपबॉक्स. हि एक चांगली स्टोरेज सेवा आहे. हे एक SAAS (Software As a Solution ) च एक चांगलं उदाहरण आहे. किंवा जीमेल आहे. ते सुद्धा हल्ली ऑफिसेस साठी वापरलं जात. हे सुद्धा एक SAAS (Software As a Solution ) च उदाहरण आहे. हा एक चांगला आणि प्रोफीटेबल बिझनेस आहे. तर मित्रांनो त्याही पुढे जाऊन हल्ली आणखी एक प्रकार आलेला आहे त्याला प्लॅटफॉर्म बिझनेस असं म्हणतात. प्लॅटफॉर्म बिझनेस : हा अतिशय इंटरेस्टिंग बिझनेस, स्केलेबल आणि खूप प्रोफीटेबल बिझनेस आहे. प्लॅटफॉर्म बिझनेस च उदाहरण म्हणजे ओला किंवा उंबर हे जे अँप्लिकेशन्स आहेत ते प्लॅटफॉर्म्स आहेत. तो एक प्लॅटफॉर्म तयार आहे ज्यावर विविध ड्रायव्हर्स कार्स घेऊन येतात आणि विविध ग्राहक आपली गरज देऊन एखादी कार बुक करतात. किंवा quiker किंवा OLX.COM हा एक प्लॅटफॉर्म आहे. OLX.COM हा एक जुन्या वस्तू विकण्याचा एक प्लॅटफॉर्म आहे. ज्यावर ग्राहक जुन्या वस्तू घ्यायला येतात. आणि सेलर्स जुन्या वस्तू विकायला येतात. प्लॅटफॉर्म मध्ये तुम्हाला फक्त एक बाजारपेठ तयार करायची असते, आणि त्या बाजारपेठेत दोनही व्यक्ती येतात वस्तू विकणारा आणि ती वस्तू विकत घेणारा. आणि ते येऊन त्याच्यावर बिझनेस करतात. गूगल प्ले हे सुद्धा अँड्रॉइड अँप्लिकेशन विकण्यासाठी एक प्लॅटफॉर्म आहे. त्यानंतर फेसबुक हे देखील एक प्लॅटफॉर्म च उदाहरण आहे. फेसबुकवर बरेचसे अँप्स बनत असतात. किंवा बनत असतात. ते आपण फेसबुकवर ते अँप विकत घेत असतो किंवा वापरात असतो. तर मित्रांनो प्लॅटफॉर्म बिझनेस हा खूप प्रॉफिट मिळवून देणारा बिझनेस आहे. आणि खूप लवकर मोठा होणार देखील बिझनेस आहे. परंतु तो तेवढाच कठीण किंवा अवघड देखील आहे. आता सांगितलेल्या चारही प्रकारात उद्योजक आपला बिझनेस सुरु करू शकतात. जर मी नेटभेट च उदाहरण दिलं तर सुरुवातीला मी वेब डिझाईनिंग करत होतो. तेव्हा मी लोकांच्या वेब साईट्स बनवून देत होतो,तेव्हा मी सर्विस बिझनेसमध्ये होतो. परंतु तेव्हा एक लिमिटेशन होतं. एक व्यक्ती एका वेळेला एवढाच काम करू शकते किंवा एवढ्याच वेब साईट्स बनवू शकतो. त्याला मोठं करणं थोडं कठीण होतं. त्यानंतर मी पोदुकट बिझनेस कडे वळलो. तेव्हा मी इ-कॉमर्स बिझनेस सुरु केला. त्यामध्ये टी- शर्ट्स, पुस्तके इ. विकायला सुरु केलं. तर तो एक प्रॉडक्ट बिझनेस होता. त्या बिझनेस पासून नंतर मी डिजिटल प्रॉडक्ट कडे वळलो. जसे आता नेटभेटचे ऑनलाईन कोर्सेस आम्ही बनवून विकतो ते आहेत डिजिटल प्रॉडक्ट. ते कोर्स मी एकदाच बनवतो त्यानंतर ते वारंवार विकतो त्याला डिजिटल प्रॉडक्ट असं म्हणतात. आणि आता नेटभेट हा एक शैक्षणिक प्लॅटफॉर्म म्हणून प्रसिद्ध करत आहोत. कोणत्याही विषयातील एक्स्पर्ट स्वतःचा व्हिडीओ कोर्स बनवू शकतात आणि तो विध्यार्थ्यांना विकू शकतात. आणि ते नेटभेटच्या प्लॅटफॉर्मवर विकू शकतात. तर मित्रांनो आता नेटभेट हा प्लॅटफॉर्म बिझनेस बनला आहे. एक उद्योजक म्हणून सर्विस बिझनेस, प्रॉडक्टमध्ये फिजिकल आणि डिजिटल प्रॉडक्ट्स आणि त्यानंतर प्लॅटफॉर्म बिझनेस हा जो असा मार्ग आहे. त्यावरून आपल्याला गेलं पाहिजे. परंतु हा मार्ग आपण असाच अवलंबला पाहिजे असं नाहीये. तुम्ही कोणताही बिझनेस ने सुरुवात करू शकता. मला खात्री आहे की या बिझनेस चे प्रकार पाहिल्यानंतर तुमहाला कोणत्या दिशेने आपला बिझनेस न्यायचा आहे किंवा कोणत्या प्रकारचा बिझनेस करायचा आहे त्याची कल्पना अली असेल. ऑल द बेस्ट ! धन्यवाद !! |